Nesta lingua de area, que arrinca da praia de Testal, atópase un dos bancos marisqueiros de berberecho máis importantes de Galicia, nel tamén destaca o cultivo da ameixa. Na época de apertura da veda, a visita á praia de Testal ofrece unha das estampas máis inesquecibles da túa visita a Noia, na que os protagonistas son os centos de mariscadores e mariscadoras, ademais dos centos de barcos que asolagan o banco en busca do apreciado bivalvo, que, posteriormente, poxaranse na lonxa. O berberecho de Noia ten o selo da marca Galicia Calidade.
Rúa Galicia, 8
De luns a Domingo de 10:00 a 15:00