Ruta das praias cara ao Barbanza

De norte a sur, saíndo do  Concello de Noia, a primeira parada desta ruta é a Praia da Aguieira. É unha praia de augas tranquilas e con numerosas dunas de area branca, que a converten nunha contorna virxe. Esta praia é perfecta para os amantes de deportes como o windsurf e o  kitesurf. No seu lado máis occidental destacan as desembocaduras dos ríos  Cans e Quintáns e un pequeno illote no que sobresae unha antiga fábrica de salgadura, hoxe reconstruída como vivenda particular.

A praia de Area Longa, á que se accede por un carreiro que transcorre entre o bosque, é unha praia nudista do  Concello de Porto do Son. Se te decides a baixar ata ela, poderás gozar dunha contorna virxe cunhas incribles vistas ao Castro de Baroña, asentamento da Idade de Ferro situado nunha pequena península rochosa. Recomendámosvos achegarvos tras gozar desta marabillosa praia.

Esta praia é perfecta para os amantes da beleza natural. Case un  quilómetro de praia formada por rocas e area. Nela, río e mar xúntanse para formar unha paraxe natural perfecta para todos, tanto para aqueles que prefiran a  bravura do mar como para os que prefiran as tranquilas augas da desembocadura do río. Pero ten coidado, a altura do río varía coas mareas, polo que é posible que teñas que saír da praia con todas as  túas cousas sobre a cabeza se te despistas.

A praia de  As  Furnas é unha praia virxe. Destaca polas numerosas canles e piscinas naturais que se foron creando ao longo dos anos debido á erosión do vento e as salvaxes augas do mar. É coñecida por ser onde Ramón Sampedro tivo o fatídico accidente que o deixou tetrapléxico, historia recollida na película protagonizada por Javier Bardem, Mar Dentro. Ademais, esta praia soaralles aos seguidores da serie de TV “Fariña”, xa que nela gravouse a discusión entre Sito e  Terito.

Esta pequena ruta para os amantes do mar finaliza no faro de Corrubedo. Data de 1853 e é o punto máis occidental da Península do Barbanza. Trátase dunha zona que se caracteriza pola  bravura do mar e nela tiveron lugar numerosos accidentes debido, entre outras cousas, á confusión do faro co de  Sálvora, como sucedeu por exemplo no coñecido accidente do transatlántico Santa Isabel. Actualmente o faro de Corrubedo reformouse para converterse  nun hotel de catro estrelas.